ГЛОБАЛЛАШУВ ШАРОИТИДА АХБОРОТ ХАВФСИЗЛИГИНИ ТАЪМИНЛАШ МЕХАНИЗМЛАРИ

Abstract

Глобаллашув жараёнларининг жадаллашуви жамият иқтисодий, ижтимоий-сиёсий, маданий соҳаларига катта таъсир кўрсатиб келмоқда. XXI аср тезкор, кенг кўламдаги ахборот тизими ва телекоммуникация технологияларининг ривожланиш даври сифатида, улар ҳаётнинг деярли барча соҳаларига ва инсон фаолиятига кириб бориши ахборот маконининг глобаллашуви, бутун жаҳон ривожига таъсир кўрсатган ва кўрсатаётган омил сифатида эътироф этилади. Ҳозирги кунда жамият ҳаётида ахборотнинг роли тобора ортиб, таъсир доираси кенгайиб бормоқда. Замонавий давлатларда ахборот коммуникация воситалари ижтимоий реалликнинг муайян элементига айланиб бормоқда. Замонавий ахборот технологияларнинг вужудга келиши эса, янгича ахборот маконининг пайдо бўлишига сабаб бўлмоқда.